تمت إضافة المنتج إلى السلة عرض السلة إتمام الطلب
M&E EXPRESS · الحساب

حذف حسابك في M&E Express

تقدر تطلب حذف حسابك وبياناتك في أي وقت. الطلب يوصل لإدارة M&E، ونأكدو معاك ونحذفو الحساب خلال 7 أيام عمل.

🏪 M&E — طرابلس - الظهرة - كازا مول 📱 تطبيق M&E Express

1 خطوات الحذف

  1. ادخل لحسابك في تطبيق M&E Express أو في الموقع.
  2. افتح صفحة «حذف الحساب» (هذي الصفحة، ورابطها موجود تحت في كل صفحات Express).
  3. اكتب السبب لو تبي، وأكّد، واضغط «اطلب حذف حسابي».
  4. نتواصلو معاك على رقمك المسجل نتأكدو إنك صاحب الحساب، ونصفّو المحفظة والطلبيات المفتوحة، ونحذفو الحساب خلال 7 أيام عمل.
ما تقدرش تدخل لحسابك؟ ابعتلنا على واتساب من نفس الرقم المسجل، ونكمّلو الطلب معاك.

2 شن ينحذف وشن نحتفظو بيه

🗑 ينحذف نهائيًا

  • حسابك وبيانات الدخول (رقم الهاتف وكلمة المرور).
  • الاسم والإيميل والمدينة والعنوان المحفوظين في الحساب.
  • ما تقدرش تدخل بالحساب بعد الحذف، ولو تبي ترجع تفتح حساب جديد.

🗂 نحتفظو بيه لمدة أقصاها 5 سنوات

  • سجلات الطلبيات والفواتير والمدفوعات وحركات المحفظة وصور الحوالات.
  • نحتاجوها للحسابات ومراجعة المدفوعات بس، وبعد المدة هذي تنمسح.
لو في محفظتك رصيد، نرجعوه لك قبل الحذف (نقدي من المحل أو حوالة). ولو عندك طلبية ما وصلتش لتوا، نكمّلوها أول وبعدها نحذفو الحساب.

3 اطلب حذف حسابك

باش نتأكدو إنك صاحب الحساب، ادخل لحسابك أول وارجع للصفحة هذي، أو ابعتلنا طلب الحذف على واتساب من رقمك المسجل.

دخول لحسابي

4 التواصل

💬واتساب واتصال091-1902999 ✉️الإيميلinfo@m-and-e.com.ly 🔒للمزيدسياسة الخصوصية